Mbeti në ndikimin e motit të paqëndrueshëm, ku herë pas herë do ketë zhvillim të vranësirave konvektive duke krijuar mundësi për rrebeshe afat-shkurtra dhe të izoluara shiu në të gjithë territorin kryesisht në veri dhe qendër. Por intervalet me kthjellime do të jenë të shpeshta përgjatë 24 – orëshit.

Sipas Meteoalb, sot temperaturat do të kenë një rënie të lehtë ku do të variojnë: në zonat malore, nga 12°C në 22°C, në zonat e ulëta nga 18°C në 29°C dhe në zonat bregdetare nga 19°C në 30°C.

Era do të fryjë mesatare deri e fortë me shpejtësi 40 km/h nga drejtimi kryesisht Jugor duke krijuar në det dallgëzim  mbi 2 – 3 ballë.