Presidenti ukrainas Volodymyr Zelensky thotë se homologu rus Vladimir Putin një ditë do të vritet nga rrethi i tij i ngushtë.

Duke folur në dokumentarin e ri ukrainas “Viti”, Zelensky tha: “Do të ketë patjetër një moment kur brishtësia e regjimit të Putinit do të ndihet brenda shtetit rus”.

“Dhe atëherë grabitqarët do të gllabërojnë një grabitqar. Ata do të gjejnë një arsye për të vrarë një vrasës, “tha ai

Vërejtjet vijnë pasi Putin u tha njerëzve të tij se ata mund të mos mbijetojnë si komb nëse Ukraina fiton luftën.

Shefi i CIA-s, Ëilliam Burns e ka quajtur presidentin rus “shumë të sigurt” në aftësinë e ushtrisë së tij për të nënshtruar Ukrainën.

Burns tha se udhëheqësi rus ishte “mjaft i vendosur” për të vazhduar luftën, pavarësisht nga viktimat, mangësitë taktike dhe dëmtimi ekonomik dhe reputacioni i vendit të tij.

Më herët, Putin la të kuptohet se Rusia mund të zgjerojë arsenalin e saj bërthamor, duke pretenduar se ai duhej të merrte parasysh jo vetëm SHBA-në, por të gjitha aftësitë bërthamore të NATO-s.

Putini përfundimisht do të vritet nga rrethi i tij i ngushtë, thotë Zelensky.