Strasburg, 10 korrik 2025 – Parlamenti Europian miratoi sot me 502 vota pro nga 686 eurodeputetë prezentë në sallë, Raportin për Shqipërinë për vitet 2023-2024. Dokumenti, i hartuar nga eurodeputeti austriak Andreas Schieder, vjen pas një debati të zhvilluar një ditë më parë dhe pas miratimit të tij nga Komisioni i Marrëdhënieve me Jashtë (AFET) më 4 qershor 2025.

Ky raport përmbledh ecurinë e progresit të Shqipërisë në procesin e integrimit në Bashkimin Europian dhe vlerëson përparimet e bëra gjatë dy viteve të fundit në fusha kyçe si sundimi i ligjit, reforma në administratë, lufta kundër korrupsionit dhe të drejtave të njeriut.

Miratimi i raportit në seancën plenare të Parlamentit Europian në Strasburg shënon një moment të rëndësishëm në rrugën europiane të Shqipërisë, duke theksuar rëndësinë e përmbushjes së kushteve të vendosura për hapjen e negociatave të anëtarësimit.

Eurodeputeti Andreas Schieder theksoi se raporti synon të mbështesë Shqipërinë në përpjekjet për reforma thelbësore dhe për të avancuar më tej në procesin e integrimit europian.