Djali i miliarderit George Soros, Aleks Soros, ka publikuar në rrjetet sociale foto me Kryeministrin e Shqipërisë, Edi Rama, dhe bashkëshorten e tij, Linda Rama.
Në imazhet e shpërndara, Rama dhe Linda shfaqen në shoqërinë e Aleks Soros dhe partneres së tij, Huma Abedin, ish-bashkëpunëtore e ngushtë e Hillary Clinton.
Fotot janë realizuar pas darkës zyrtare të organizuar nga presidenti francez Emmanuel Macron, në kuadër të një aktiviteti diplomatik në Paris.
Ndërkohë, Kryeministri Rama nuk ka ndarë asnjë foto apo reagim publik lidhur me takimin me Aleks Soros, i cili vijon të jetë aktiv në jetën publike dhe filantropike ndërkombëtare përmes Open Society Foundations, organizatë e themeluar nga babai i tij.
