Pas mbylljes së seancës plenare, ish-kryeministri Sali Berisha ka biseduar me gazetarët. Ai ka shprehur shqetësimin se mazhoranca po kufizon të drejtat e opozitës dhe ka kërkuar solidaritet nga qytetarët, duke theksuar se ndihma e tyre është kritike për triumfin e demokracisë.

Berisha tha: “Ky është turpi i Shqipërisë dhe Evropës! Kanë tmerr nga të drejtat e opozitës, mbrojnë pasuritë e tyre të vjedhura, mbrojnë Edi Ramën. Vazhdon kolapsi i plotë dhe asgjësimi i pluralizmit. Ne vazhdojmë me vendosmëri, por kërkojmë solidaritetin tuaj, mbështetjen tuaj, vendimtare për triumfin e demokracisë, për largimin e narkoshtetit nga demokracia. Kjo betejë do fitohet dhe Edi Rama vendosi të bëjë gjithçka për të shpëtuar lëkurën e tij.”