Pas shkarkimit të Fatos Tushes, emërohet kryebashkiakja e re e Lushnjes.

Këshilli Bashkiak i Lushnjes zgjedh në krye të Bashkisë nënkryetaren Eriselda Sefa pak ditë pas arrestimit dhe shkarkimit më pas të ish-kryebashkiakut Fatos Tushe, i akuzuar për afera korruptive.

Ish-kryebashkiaku i Lushnjes, Fatos Tushe sëbashku me 8 zyrtarë të tjerë të bashkisë dhe 2 biznesmenë u arrestuan me urdhër të SPAK më 6 korrik nën akuzën e shpërdorimit të detyrës dhe përfshirjes në një tender abuziv.

Vendimi për emërimin e Eriselda Sefës u mor nga Këshilli Bashkiak mëngjesin e sotëm. Mësohet se fillimisht në garë ishte dhe nënkryetari Gentian Nushi, njëherazi edhe kryetari i PS për Bashkinë Lushnje, i cili u tërhoq.