Shërbimet publike online dhe faqet e tjera qeveritare në vend u mbyllën përkohësisht, pasi ranë pre e një sulmi kibernetik nga jashtë Shqipërisë.

Kryeministria bëri me dije përmes një njoftimi se pas shumë orësh punë, një pjesë e shërbimeve online janë rikthyer në funksion të plotë që prej ditës së djeshme.

Shërbimet që janë rikthyer në funksion:

– Drejtoria e Përgjithshme e Shërbimit të Transportit rrugor me sistemin e lejeve të drejtimit dhe sistemin e targave;

– Drejtoria e Përgjithshme e Doganave;

– Fondi i Sigurimit të Detyrueshëm të Kujdesit Shëndetësor me sistemin e recetës elektronike;

– Agjencia Kombëtare e Barnave dhe Pajisjeve Mjekësore me sistemin e barnave.

Po punohet me intensitet për kthimin të gjitha shërbimeve që ofrohen në e-albania dhe rikthimin në funksionalitet të plotë të sistemeve të tjera.