Kryesia e Partisë Demokratike ka miratuar listën e kandidatëve për zgjedhjet e 11 majit në qarkun e Tiranës, duke paraqitur një ekip të fuqishëm me individë që do të përfaqësojnë PD-në në Kuvendin e Shqipërisë. Lista kryesohet nga lideri historik i PD-së, Sali Berisha.

Megjithatë, surpriza e kësaj liste është mungesa e dy figurave të njohura të PD-së, Jorida Tabaku dhe Dhurata Çupi, të cilat nuk janë përfshirë në listën e mbyllur për Tiranën.

Ky vendim pritet të ngjallë debat brenda radhëve të demokratëve, duke qenë se Tabaku dhe Çupi kanë qenë zëra të rëndësishëm në politikën e opozitës dhe kanë pasur një rol aktiv në zhvillimet e fundit të partisë.

Emrat e propozuar për Tiranën janë:

-Sali Berisha
-Edi Paloka
-Albana Vokshi
-Belind Kellici
-Flamur Noka
-Jozefina Topalli
-Besart Xhaferri
-Fatmir Mediu
-Erisa Xhixho
-Klevis Balliu
-Mesila Doda
-Tedi Blushi