Peceta në të cilën Barcelona premtoi të nënshkruante me Lionel Messin kur ai ishte 13-vjeçar është shitur për 762,000 paund (969,000 dollarë), sipas shtëpisë së ankandeve ‘Bonhams’. Kjo pecetë letre u nënshkrua në dhjetor të vitit 2000 nga ish-drejtori sportiv i Barçës, Carles Rexach, këshilltari i transferimeve Josep Minguella dhe agjenti argjentinas Horacio Gaggioli gjatë një dreke në një klub tenisi.

Lionel Messi u bë një nga lojtarët më të mëdhenj të Barcelonës, duke fituar mbi 30 trofe dhe duke e lënë klubin katalanas si golashënuesi më i mirë i të gjitha kohërave me 672 gola. Ai gjithashtu fitoi një rekord të tetë çmimeve të ‘Topit të Artë’ për lojtarin më të mirë në botë dhe udhëhoqi Argjentinën drejt kurorës së Kupës së Botës në 2022.

Messi tani luan për klubin amerikan Inter Miami në Major League Soccer. “Po, është një pecetë letre, por është peceta e famshme që ishte në fillimet e karrierës së Lionel Messit,” tha Ian Ehling, kreu i librave dhe dorëshkrimeve në Bonhams, në një deklaratë.

“Kjo ndryshoi jetën e Messit, të ardhmen e FC Barcelonës dhe ishte e rëndësishme në dhënien e disa prej momenteve më të lavdishme të futbollit për miliarda tifozë anembanë globit,” thuhet nga organizatorët e ankandit. Blerësi i kësaj pecete mbetet anonim.