Pedagogët vijojnë kauzën e tyre. Pavarësisht se të paktë në numër, ata kanë dalë në protestë ku i bëjnë thirrje strukturave shtetërore të kthejnë sytë nga arsimi.

Ata thonë se kërkojnë mbështetje aktive nga kolegët, studentët, por edhe qytetarët shqytarë.

“Studentët duhet të na mbështesin”, thanë pedagogët.

“Ju përulemi studentëve. Ky nuk është vetëm aksioni ynë, por është aksioni i përmirësimit të mësimdhënies. Në do t’i zëvendësojmë orët dhe shumë shpejt do të dalim me fitore”, shtuan pedagogët.

Pedagogët kanë kërkuar përmirësimin e kushteve në universitete. Ata kanë hartuar një plan me nëntë pika, ku kryesoret për ta janë rritja e pagave dhe përmirësimi i veprimtarisë shkencore, si një hap i domosdoshëm ky për zhvillimin e shoqërisë.