35-vjeçari Spiro Dhimaleksi, i cili një ditë më parë mbajti peng dhe kërcënoi jetën e prindërve të tij në Himarë, është shtruar në spital psikiatrik për trajtim të specializuar.

Pas ndërhyrjes dhe trajtimit fillestar në Spitali i Vlorës, ku mori ndihmë për disa plagë të shkaktuara me mjet prerës, ai është transferuar dhe po mbahet në observim në Spitali Psikiatrik Ali Mihali.

Sipas mjekëve, 35-vjeçari nuk rezulton të ketë një kartelë të mëparshme me diagnozë të problemeve të shëndetit mendor, por dyshohet si përdorues i lëndëve narkotike në një fazë të rënduar.

Burime mjekësore bëjnë me dije se gjendja e tij paraqitet më e stabilizuar dhe më e kthjellët gjatë komunikimit të sotëm, ndërsa pritet të trajtohet edhe nga specialistë të toksikologjisë.

Gjatë marrjes në pyetje nga policia, Dhimaleksi ka deklaruar se veprimin e ka kryer pasi dyshonte se prindërit e tij synonin t’i merrnin pronat.

Autoritetet vijojnë hetimet për zbardhjen e plotë të rrethanave të kësaj ngjarjeje.