Përfundon maketi për ndërtimin e portit të Durrësit, në studion urbanistike të Emaar Group në Dubai.
Kryeministri Edi Rama nëpërmjet një postimi në rrjetin social “Facebook” ka publikuar një foto ku shihet maketi i sapo përfunduar për ndërtimin e portit të Durrësit. Sipas kreut të qeverisë do të jetë një prej porteve më të mëdha turistikë në të gjithë Mesdheun.
“MIRËMËNGJES
dhe me maketin e sapopërfunduar në studion urbanistike të Emaar Group në Dubai, për transformimin e Portit të Durrësit në një prej porteve më të mëdha turistikë të Mesdheut, ju uroj një javë të mbarë”, shkruan Rama.
