Ka përfunduar sot në prangat e policisë juristi i Kadastrës së Durrësit, Mikel Zaho.

Juristi është arrestuar pas një hetimi të Prokurorisë së Durrës për një parcelë prej 2000 metra katrorë, në zonën e Plepave. Zaho akuzohet për “shpërdorim detyre” dhe “tjetërsim prone”, pasi dyshohet se ka falsifikuar dokumentet.

Prokuroria ka kërkuar arrestimin e disa personave, ndërsa policia ka ekzekutuar sot urdhrin, duke arrestuar brenda zyrës juristin Zaho.

Hetimi është kryer nga prokurori Madrid Kullolli. Mësohet se në hetim janë gjithashtu edhe tre persona të tjerë, të cilët pritet të arrestohen nga policia.