Gjendja shëndetësore e Kryepeshkopit të Kishës Ortodokse Autoqefale të Shqipërisë, Anastas Janullatos, është përkeqësuar dhe vlerësohet si kritike nga mjekët.

Sipas njoftimit zyrtar nga spitali “Evangjelismos” në Athinë, ku Kryepeshkopi është shtruar që prej 3 janarit, ai po monitorohet nga afër nga një ekip mjekësor i specializuar, nën drejtimin e profesores Anastasia Kotanidou, eksperte në Pulmologji dhe Kujdes Intensiv.

Ditën e sotme, Kryeministri i Greqisë, Kyriakos Mitsotakis, ka vizituar Kryepeshkopin në spital dhe është informuar nga mjekët për gjendjen e tij shëndetësore.

Prelati 95-vjeçar fillimisht u shtrua në një spital në Tiranë më 30 dhjetor për shkak të një infeksioni viral, por për shkak të përkeqësimit të gjendjes, më 3 janar u transferua në Greqi për trajtim të specializuar.

Gjendja e Kryepeshkopit vijon të mbetet shumë serioze, ndërsa besimtarët dhe komuniteti ortodoks vazhdojnë të luten për shërimin e tij.