Një ngjarje alarmante u regjistrua sot rreth mesditës në Qafën e Mënit, në malin e Dhëmbelit, ku një 68-vjeçar nga fshati Lipë, Njësia Administrative Petran, pësoi një aksident të rëndë. Rreth orës 12:40, ai njoftoi forcat e rendit se kishte rrëshkitur në një terren të vështirë së bashku me kafshën e punës – pelën – duke pësuar fraktura serioze.

Në vendngjarje mbërritën menjëherë zjarrfikësit, policia dhe ekipi i urgjencës, të cilët pas një ndërhyrjeje të kujdesshme arritën të shpëtojnë 68-vjeçarin dhe ta transportojnë me sukses në spitalin e Përmetit. Burime zyrtare bëjnë me dije se gjendja e të moshuarit është e stabilizuar dhe ai ndodhet jashtë rrezikut për jetën.