Një debat i ashpër mes Xheneta Fetahut dhe Gjestit ka sjellë një situatë të tensionuar në shtëpinë e “Big Brother VIP Kosova”. Konflikti mes tyre shpërtheu kur Gjesti e akuzoi Xhenetën për lojë me ndjenjat e tij, duke theksuar se sjellja e saj ka qenë e papërgjegjshme. Ai iu drejtua me fjalët: “Qetësohu, jam sill mirë me ty, je sill keq – s’kam çka me të bë.”

Nga ana tjetër, Xheneta, mes lotësh, u shpreh se ka bërë shumë sakrifica për marrëdhënien me Gjestin. Ajo deklaroi se ka humbur njerëz të rëndësishëm dhe mundësi të mëdha për të qenë pranë tij dhe e quajti këtë si një nga pishmanet më të mëdha të jetës së saj.

Gjesti, megjithatë, theksoi se nuk kishte premtuar asgjë para se të hynte në lojë dhe se ndjenjat nuk mund të kontrollohen. Ai kërkoi nga Xheneta të mos dramatizojë situatën dhe të mos e rëndojë më tej konfliktin mes tyre.

Ky debat emocional ka përfshirë edhe banorët e tjerë të shtëpisë, të cilët kanë ndërhyrë për të qetësuar situatën. Përplasja mes tyre ka shtuar tensionin në shtëpi dhe ka krijuar një atmosferë të ngarkuar emocionale mes banorëve.