Situata mes Lorit, Olës dhe Jozit vazhdon të jetë e tensionuar pas ngjarjeve të një nate më parë. Ola dhe Lori janë përballur hapur për marrëdhënien e tyre, me Olën që deklaroi se nuk kishte qëllim ta lëndonte Lorin.

“Nëse doja të të lëndoja, do të kisha bërë gjëra shumë më të mëdha,” tha Ola, ndërsa Lori reagoi menjëherë me ironi: “Pse, çfarë prisje të bëje?!”

Ola vijoi duke theksuar se nuk kishte vepruar për inat. “Ti e ke të vështirë refuzimin,” i tha ajo Lorit.

“E kam, sepse e dua!” u përgjigj Lori, duke e bërë të qartë ndjenjat e saj.

Nga ana tjetër, Jozi u shpreh i sikletosur nga situata dhe kërkoi që të ruhej respekti në komunikim. “Jam i qartë për ndarjen mes nesh, por dua që mënyra e të folurit me Lorin të jetë me respekt,” tha ai.

Por Lori nuk e pranoi këtë qasje dhe reagoi e revoltuar: “Ti ke ardhur të më denigrosh, asnjëherë nuk do të flas me qetësi!”