Deputeti i opozitës, kreu i PR, Fatmir Mediu ka pasur një përplasje mendimesh dhe qëndrimesh me deputetin e PD, Enkelejd Alibeaj, lidhur me nismat për hapjen e dosjeve që po diskutohen në Komisionin e Ligjeve.

Mediu bëri thirrje sot të mos hapen dosjet e ish të përndjekurve politikë, pasi siç tha ai do ti shtoheshin vuajtjet dhe mundimet këtyre familjeve.

Duke folur në Komisionin e Ligjeve ku po diskutohen dy nisma të PS-së dhe PD-së për dosjet, Mediu u shpreh se shtresa e të përndjekurve duhet të përjashtohet nga deklasifikimi i dosjeve.

Në përgjigje të deklaratës së Mediut, Alibeaj tha se ish të përndjekurit e kanë fisnikërinë që ta shohin njëri tjetrin në sy dhe të kuptojnë se ajo që u ka ndodhur është për shkak të regjimit komunist.

Fatmir Mediu: S’mund të kërkojmë hapjen e dosjeve për shtresën e të përndjekurve politikë. Ka histori manipuplimi të tmerrshme të presioneve brenda familjes që ne nuk mund ti rindezim për ata që kanë vuajtur, se nëse nuk i dhamë për një kohë mundësinë për tu intgruar si duhet, që për gjthë këto krime nuk ka asnjë përgjegjës sot, të paktën mos u shtojmë mundimet brenda familjeve apo raporteve të tyre për atë që ka ndodhur.

Nuk ka asnjë nga ne të drejtë të kërkojë të diskutojë për qendrimin apo moralin e atyre që u janë pushkatuar motrat, vëllezërit, baballarët, do ishte e pamoralshme nga ana jonë.

Nuk fillon cdo gjë kur na do qejfi ne për interesa të ngushta politike apo për qëllime të caktuara për të goditur politikisht e kjo nuk është e moralshme për një shoqëri demokratike.

Enkelejd Alibeaj: Unë jam i prirur që të shoh e lexoj dhimbjen që ka ndodhur ndaj gjithë të persekutuarve politikë. Dilema qenë gjithmonë kjo, të mos hapim dosjet se ndoshta mund të ketë pasur raste që vrazhdësia kriminaliteti i sigurimit mund të ketë shkuar dhe deri brenda familjeve të të përndjekurve politik e kjo do ishte mjet për të mos grisur plagë të vjetra por do kishte koston tjejtër, kriminaliteti dhe vrazhdësia e sigurimit të shtetit kurrë s’do dilte në pah.

Një dilemë morale, shpirtërore, e në fund ajo që unë kam bindje se duhet të ndodhë është: e vërteta na bën të lirë.

Ata që kundër dëshirës së tyre, të shantazhuar, mund të jenë thyer nga presioni komunist, shqpëria shqiptare sot dhe familjet e tyre duhet të kuptojnë ska qenë shkak thyerja e tyre por kriminaliteti i sigurimit të shtetit.

Të përndjekurit er kanë treguar fisnikërinë, se për shkak të saj janë masakruar nga regjimi konumnist që ta shohin njëri tjetrin në sy e të kuptojnë që ajo që u ka ndodhur ishte për shkak të sigurimit. Koha ka ardhur, koha ka kaluar.