Raporti mes Gretës dhe Kristit në shtëpinë e “Big Brother VIP Albania” duket se nuk ecën në të njëjtën linjë, duke nxjerrë në pah mospërputhje të qarta mes deklaratave të tyre.

Ndërsa Greta ka pohuar se mes tyre ekziston një raport i mirë dhe se ka vlerësim për Kristën, ky i fundit ka shprehur hapur dyshimet e tij në Dhomën e Rrëfimit. Kristi ka deklaruar se nuk i beson miqësisë së Gretës dhe se, sipas tij, afrimi i saj lidhet me lojën e Selinit dhe Mirit.

Ai ka shtuar gjithashtu se prania e Gretës pranë tij po i shkakton bezdi, duke theksuar se nuk është i qetë me këtë marrëdhënie. Pas transmetimit të klipit, Greta reagoi duke sqaruar se nuk i është afruar Kristit për të favorizuar askënd në lojë, por sepse e vlerëson si person dhe si lojtar.

Nga ana tjetër, Kristi vijoi të shfaqej dyshues, duke vënë në pikëpyetje arsyen pse Greta i qëndron pranë dhe pse e ka shpëtuar gjatë zinxhirit. I pyetur nëse këto dyshime lidhen me “paranojë”, ai u shpreh se bëhet fjalë për analizë dhe kujdes në lojë.

“Nuk është paranojë, por të mendosh më shumë seç duhet”, tha Kristi, duke lënë të kuptohet se besimi mes tyre mbetet i brishtë.