Autoritetet indoneziane kanë nisur hetimet në lidhje me një incident ndryshe, ku dy kapitenë të një kompanie ajrore lokale u zënë gjumë gjatë një fluturimi. Ministria e Transportit e Indonezisë ka nisur hetimet për kompaninë Batik Air, duke theksuar se do të shqyrtojë operacionet e fluturimit natën në vend dhe menaxhimin e rreziqeve të lodhjes.

Drejtuesja e përgjithshme e transportit ajror, Christie Edah Murni, ka qortuar ashpër Batik Air dhe ka bërë thirrje për kujdes më të madh në cilësi dhe periudhat e pushimit të ekuipazhit. Kompania ka reaguar duke deklaruar se ndjek një politikë të përshtatshme të pushimit dhe është e angazhuar për zbatimin e rekomandimeve të sigurisë.

Incidenti ka ndodhur më 25 janar, kur kapiteni dhe bashkëpiloti i një Airbus A320 u zënë gjumë njëkohësisht për rreth 28 minuta gjatë një fluturimi nga Sulawesi në kryeqytetin Xhakarta. Dy pilotët, të suspenduar përkohshëm nga kompania, janë akuzuar për mosrespektim të orarit të pushimit. Raporti tregon se incidenti solli disa gabime në pilotim, por pasagjerët dhe stjuardesat mbetën të padëmtuar gjatë ngjarjes.