Renaldo Kola, 29 vjeç, mbeti i plagosur me armë zjarri pasditen e sotme në fshatin “Golem” në Shkodër. Ndaj tij janë shkrehur katër plumba nga një pistoletë, dhe autori i dyshuar i ngjarjes është Marian Kroni. Pas sulmit, Kroni dhe tre persona të tjerë janë larguar nga vendngjarja me një automjet tip benz të ngjyrës së zezë.
Policia e Shkodrës ka mbërritur menjëherë në vendngjarje dhe po kryen kontrolle të intensifikuara në zonë për kapjen e Marian Kronit. Grupi hetimor, nën drejtimin e Prokurorisë, është angazhuar për zbardhjen e rrethanave të ngjarjes dhe dokumentimin ligjor të rastit.
