Një 65-vjeçar është plagosur me armë zjarri mëngjesin e sotëm në fshatin Ngurrëz të Vogël të Lushnjes. Faik Veliu u qëllua jashtë banesës së tij dhe u dërgua në spital.
Policia bën me dije se është identifikuar dhe është arrestuar autori i dyshuar që është Sami Veliu, vellai i 65 vjeçarit.
Po kështu policia ka sekuestruar dhe armën e krimit.
“Si rezultat i reagimit në kohë të Policisë dhe veprimeve të shpejta hetimore, u bë e mundur identifikimi dhe kapja e autorit të plagosjes së shtetasit Faik Veliu.
Autori eshte shtetasi Sami Veliu, vellai i 65 vjeçarit. Me vone do kete njoftim te plote per rrethanat e ngjarjes“, thuhet në njoftim.
Lushnjë/Informacion paraprak
Sot rreth orës 05:00, në fshatin Ngurrëz e Vogël, Lushnjë, në territorin e jashtëm të banesës së tij, në rrethana ende të paqarta është plagosur me armë zjarri shtetasi F. V., 65 vjeç, i cili ndodhet në spital, nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe vijon punën për sqarimin e rrethanave të ngjarjes, identifikimin dhe kapjen e autorit.
Ndërkohë shërbimet e Policisë vijojnë krehjen e zonës për të bërë të mundur kapjen e autorit.