Një ngjarje me armë zjarri është regjistruar mbrëmjen e djeshme në kryeqytet. Rreth orës 23:00, një 27-vjeçar me inicialet R. Ç. është vetëparaqitur në spital, i plagosur në këmbë.

Burime zyrtare bëjnë me dije se ngjarja ka ndodhur në zonën e njohur si “Zona e Treshit”, ndërsa dyshohet se i riu është qëlluar me armë zjarri. Fatmirësisht, ai ndodhet jashtë rrezikut për jetën.

Forcat e policisë dhe grupi hetimor ndodhen në terren, duke punuar për zbardhjen e plotë të rrethanave dhe identifikimin e autorit apo autorëve të përfshirë në plagosje.