Një plagosje me thikë ka ndodhur në Komunën e Parisit, ku dy të rinj janë konfliktuar me një 34-vjeçar dhe më pas kanë sulmuar me thikë një person tjetër.
Autori i plagosjes është Arlind Gjoni, me precedent të mëparshëm penal, i cili është shpallur në kërkim. Një person tjetër, Kevin Kolgega, 19 vjeç, është arrestuar nga policia.
Sipas njoftimit të policisë dy të rinj janë konfliktuar me një 34-vjeçar Elsi Gjata. Më pas kanë goditur me thikë Marin Kokobobo, 40 vjeç.
Sherri nisi për motive banale pas përplasjeve verbale të herëpashershme. Mësohet se ngjarja ka filluar paraditen e së dielës dhe ka përfunduar me plagosjen e një personi me thikë në vithe.
