Një ngjarje e rëndë ka ndodhur mëngjesin e së mërkurës në Tropojë, ku një person është plagosur me thikë. Sipas informacioneve nga policia, rreth orës 08:40, shtetasi F. S., 18 vjeç, dyshohet se ka goditur me mjet prerës shtetasin A. M., 45 vjeç.

I plagosuri është transportuar menjëherë për ndihmë mjekësore në spitalin e Gjakovës, ndërsa autori fillimisht tentoi të largohej, por më pas, për shkak të pamundësisë për t’u arratisur, është vetëdorëzuar pranë autoriteteve.

Ndërkohë, grupi hetimor po vijon punën për të zbardhur rrethanat dhe motivet e ngjarjes.