Policia në Korçë ka arrestuar dy persona, pasi u kapën duke transportuar 3 thasë me kanabism me peshë 12.5 kg. Në kuadër të megaoperacionit “Tempulli”, u bë e mundur arrestimi i 29-vjeçarit Klajdi Shaholli nga fshati Voskop dhe i 38-vjeçarit Haxhi Mero nga fshati Vashtëmi.

Nga kontrolli në automjetin tip “Audi”, që drejtonte 29-vjeçari dhe ku ishte pasagjer shtetasi H. M., u gjetën 3 thasë me rreth 12.5 kg kanabis. Lënda narkotike që po transportohej me qëllim shitjen, u sekuestrua në cilësinë e provës materiale, bashkë me automjetin tip “Audi” dhe me një shumë eurosh.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë. Seksioni për Hetimin e Narkotikëve i DVP Korçë, në zbatim të masave të përcaktuara në planin operacional antidrogë “Tempulli 2”, finalizoi operacionin e koduar “Sinjali”.