Ardian Isufi, pasi përfitoi nga amnistia penale, nuk kaloi ende 24 orë jashtë hekurave kur rikthehet në qeli për një vjedhje të re. Brenda 24 orëve të lëshimit nga qelia e burgut të Drenovës, ku kishte dënim për vjedhje, Isufi u kap për vjedhjen e një mjeti Ford të ndezur në parkim afër lagjes 18 të qytetit të Korçës.

Policia e Korçës dhe Tiranës bashkëpunuan për të kapur autorin e dyshuar të vjedhjes. Isufi, 36 vjeç, banues në Pogradec, me precedent të mëparshëm penal për vjedhje të automjeteve, u arrestua në Tiranë pas vjedhjes së automjetit në Korçë.

Në vijim të veprimeve hetimore të kryera në lidhje me zbardhjen e ngjarjes së ndodhur mbrëmjen e djeshme, në lagjen nr. 18, Korçë, ku u vodh një automjet, falë shkëmbimit të informacioneve mes DVP Korçë e strukturave të DVP Tiranë, u bë e mundur kapja dhe ndalimi i autorit të dyshuar të ngjarjes, në qytetin e Tiranës.
Si rezultat u ndalua shtetasi në kërkim A. I., 36 vjeç, banues në Pogradec, me precedent të mëparshëm penal në fushën e vjedhjes së pronës (automjeteve). Ky shtetas mbrëmjen e datës 24.04.2024, dyshohet se ka vjedhur në Korçë, automjetin tip “Ford”, në pronësi të një 30-vjeçari. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë”, njofton policia.
Pas disa orësh ndjekje 36 vjeçari nga Pogradeci është arrestuar nga policia.