Katër të rinj janë arrestuar, ndërsa dy të tjerë shpallur në kërkim, pas një operacioni policor të koduar “Portions”, i zhvilluar në Pogradec për prodhim dhe shitje të lëndëve narkotike.

Në pranga ranë Emanuel Andoni, Andi Shuli, Dario Alinj dhe një 17-vjeçar, ndërsa për shtetasin tjetër, L. G., 20 vjeç, vijon puna për kapjen.

Gjatë operacionit, policia sekuestruar dhjetëra doza kokaine, dy automjete dhe 10 celularë, që dyshohet se përdoreshin për aktivitetin kriminal. Njëri nga të arrestuarit u kap duke drejtuar automjetin pa leje drejtimi, dhe gjatë kontrollit në mjet u gjet sasia e drogës.

Hetimet, që zgjatën katër muaj, zbuluan se shtetasit në fjalë, në bashkëpunim me njëri-tjetrin, kishin shitur kokainë në doza në qytetin e Pogradecit.

Materialet procedurale janë dorëzuar në Prokurorinë pranë Gjykatës së Shkallës së Parë Korçë, për veprime të mëtejshme ligjore.