DVP Durrës ka finalizuar me sukses operacionin e koduar “Winter”, duke çmontuar një rrjet kriminal të përfshirë në shpërndarjen e lëndëve narkotike në Kavajë, kryesisht pranë shkollave. Pas hetimeve të thelluara, në bashkëpunim me Forcën e Posaçme “Shqiponja” dhe Komisariatin e Policisë Kavajë, janë arrestuar 13 persona, ndërsa një tjetër është shpallur në kërkim.
Gjatë operacionit, u sekuestruan qindra doza kokaine dhe kanabisi, pajisje për ndarjen e lëndëve narkotike, shuma parash, si dhe armë e pajisje për modifikimin e tyre.
Emrat e të arrestuarve:
- Renaldo Gjondeda
- Rudi Dimni
- Elion Danai
- Rexhep Lushka
- Ramazan Kola
- Alesio Shaba
- Rei Shaba
- Endri Meçja
- Besnik Belba
- Serxho Abazi
- Kujtim Veizi
- Bardhyl Dumullaku
- Arben Xhihani
Ndërkohë, është shpallur në kërkim shtetasi B. D., 32 vjeç, ndërsa një tjetër person, N. M., po hetohet në gjendje të lirë.
Sekuestrimet e policisë:
- 80 doza kokaine dhe 620 doza kanabisi
- 2 peshore elektronike dhe pajisje për përpunimin e drogës
- 3 silenciatorë, 1 jelek antiplumb dhe pajisje për modifikimin e armëve
- 19 celularë dhe shuma parash në euro dhe lekë
Policia ka bërë të ditur se grupi kriminal operonte në bashkëpunim dhe individualisht, duke shitur lëndë narkotike në zona të ndryshme të Kavajës, me një fokus të veçantë në afërsi të shkollave.
Hetimet po vazhdojnë për të identifikuar dhe arrestuar persona të tjerë të përfshirë në këtë aktivitet kriminal. Materialet procedurale janë dërguar në Prokurorinë e Durrësit për veprime të mëtejshme.
