Policia e Tiranës ka reaguar lidhur me substancën me ngjyrë të gjelbër, e cila u zbulua në një nga shkollat e kryeqytetit, pas dyshimeve të ngritura nga një mësuese e cila kishte vënë re përgjumje të pazakontë te disa nxënës. Mësuesja kishte njoftuar menjëherë policinë dhe prindërit për t’u siguruar që fëmijët ishin të mbrojtur nga ndonjë substancë e mundshme e dëmshme.
Njoftimi i policisë:
Në vijim të njoftimit të dhënë ditën e premte, më datë 25.10.2024, për një substancë në formë tableti, në ngjyrë jeshile, që dyshohet se përgjum fëmijët, ju njoftojmë se:
Në vijim të kontrolleve të ushtuara, në një shkollë në Yzberisht është sekuestruar një tabletë në ngjyrë jeshile dhe nga analizat përkatëse në sektorin e toksikologjisë pranë ISHP, është arritur në përfundimin që nuk ka prani të ndonjë lënde psikotrope dhe rezulton të ketë në përbërje vitaminë E.
Pavarësisht këtij rezultati të nxjerrë, strukturat e Policisë do të vazhdojnë kontrollin dhe monitorimin në të gjitha shkollat.
