Një shtetas shqiptar është arrestuar nga policia italiane për trafik droge, pas një kontrolli të rastësishëm në makinën ku udhëtonte, në rrugën mes Frosinone-s dhe Caserta-s.

Sipas mediave të huaja, një detaj i vogël – një vidë që mungonte në derën e Fiat Panda-s – tërhoqi vëmendjen e policisë. Dyshimet i shtynë efektivët të kryenin një kontroll të imtësishëm, ku zbuluan një kilogram kokainë të pastër.

Autoritetet italiane sqarojnë se droga, nëse do të dilte në treg, do të kishte një vlerë mes 1.6 dhe 2.1 milionë euro. Hetimet vijojnë për të identifikuar persona të tjerë të përfshirë në këtë rrjet të trafikut të drogës.