Pak para fillimit të protestës së opozitës, forcat e policisë kanë krijuar një kordon mbrojtës para godinës së Kryeministrisë, duke përgatitur terrenin për atë që pritet të jetë një protestë e tensionuar. Rreth 1 mijë forca të policisë janë angazhuar për të siguruar rendin gjatë kësaj proteste kombëtare, të paralajmëruar për në orën 18:00.

Opozita ka mbajtur të fshehtë skenarin e protestës, ndërsa policia ka marrë masa për të parandaluar çdo incident të mundshëm. Policia e Shtetit u ka bërë thirrje organizatorëve dhe pjesëmarrësve që të ushtrojnë të drejtën e tyre për protestë pa u përfshirë në akte dhune, duke theksuar rëndësinë e ruajtjes së qetësisë dhe sigurisë publike.