Portugalia U17 ka fituar titullin kampion të Europës për të rinjtë, në turneun që për herë të parë u organizua në Shqipëri. Finalja u zhvillua në “Arenën Kombëtare” në Tiranë, ku luzitanët e vegjël mposhtën bindshëm Francën me rezultatin 0-3.

Kabral, Kunja dhe Neves vendosin fatin e finales

Skuadra e trajnerit Bino e zgjidhi ndeshjen që në pjesën e parë. Kabral dhe më pas Kunja realizuan dy golat e parë për Portugalinë, duke mbyllur pjesën e parë në avantazh 0-2. Në minutën e 60-të të sfidës, ishte Neves që shënoi golin e tretë, duke vulosur rezultatin përfundimtar dhe siguruar trofeun.

Një Europian historik, edhe për Shqipërinë

Ky ishte një turne historik jo vetëm për Portugalinë, por edhe për Shqipërinë, që për herë të parë priti një kampionat Europian zyrtar të UEFA-s. Luzitanët patën një rrugëtim mbresëlënës: kaluan fazën e grupeve ku ndodhej edhe Shqipëria, dhe në gjysmëfinale eliminuan Italinë.

Triumfi i Portugalisë U17 në këtë Europian i jep kësaj skuadre një trofe të rëndësishëm për të ardhmen e futbollit luzitan, ndërsa i shton edhe më shumë vlerë organizimit të suksesshëm të Kampionatit Europian U17 “Shqipëri 2025”.