Është arrestuar nga Policia e Durresit 25-vjeçari Blejdi Axha, i cili ishte shpallur në kërkim. Arrestimi i tij u bë në kuadër të megaoperacionit mbarëkombëtar “Sundimi i ligjit” që synon arrestimin e shtetasve të shpallur në kërkim.

Blejdi Axha është i dënuar nga Gjykata e Shkallës së Parë e Juridiksionit të Përgjithshëm Durrës me 2 vite dhe 2 muaj burg.

Në janar të vitit 2022, verifikimet e kryera treguan se i riu drejtonte automjete nën efektin e lëndëve narkotike, ndërsa në momentin e arrestimit tij iu gjet edhe një përforcuese grushti. Ai u dënua nga Gjykata e Shkallës së Parë e Juridiksionit të Përgjithshëm Durrës me 2 vite dhe 2 muaj për veprat penale “Drejtimi i automjeteve në mënyrë të parregullt”, “Prodhimi, mbajtja, blerja apo shitja pa leje e armëve të ftohta” dhe “Largimi i të burgosurit nga vendi i qëndrimit”.

Blejdi Axha iu dorëzua Drejtorisë së Përgjithshme të Burgjeve për veprime të mëtejshme procedurale.