Pas vendimit të presidentit amerikan Donald Trump për të vendosur tarifa doganore 10% për të gjitha importet, tensionet tregtare ndërkombëtare janë rritur ndjeshëm. Dirk Jandura, president i Federatës Gjermane të Shitjes me Shumicë, Tregtisë së Jashtme dhe Shërbimeve (BGA), e quajti këtë veprim një “sulm frontal ndaj tregtisë globale”.

“Me rritjen drastike të tarifave për më shumë se 100 partnerë tregtarë, presidenti amerikan po e zhyt botën në një luftë të hapur tregtare, me një ‘Brexit amerikan’,” deklaroi Jandura, duke paralajmëruar se pasojat do të jenë të ndjeshme, sidomos për ekonominë gjermane.

Gjermania, si një nga vendet më të mëdha eksportuese në botë, do të goditet rëndë nga tarifa 20% që do të aplikohet mbi produktet nga BE-ja duke nisur më 9 prill. Veçanërisht i prekur është sektori i automobilave, ku tarifat prej 25% për makinat e importuara që hynë në fuqi brenda natës, po shkaktojnë ndërprerje masive dhe pasiguri ekonomike.

Jandura theksoi se “ky konflikt do të ketë ndikim të drejtpërdrejtë në rritjen ekonomike, jo vetëm në Gjermani, por edhe në mbarë Evropën”. Ai bëri thirrje për bashkëpunim mes vendeve të BE-së dhe dialog të menjëhershëm ndërkombëtar për të shmangur përshkallëzimin e krizës tregtare.