Gjatë konferencës së sotme me gazetarët, Meta njoftoi se ai ka firmosur kallëzim penal ndaj zyrtarëve të Kuvendit, që kanë falsifikuar dokumentet, dhe i kanë dorëzuar në Gjykatën Kushtetuese si prova për shkarkimin e tij.

“Krimi i falsfikimit është shumë flagrant. Ndodh për herë të parë në një seancë publike të Gjykatës Kushtetuese nga Kuvendi i Shqipërisë në një proces që ndodh për herë të parë kundër Presidentit të Republikës

Ky është një grusht shteti ndaj kreu të shtetit, çfarë garancie kemi ne si qytetarë të republikës, kur këta falsifikuan letrat për të shkarkuar presidentin”, tha Meta.

Një grusht shteti e ka konsideruar Ilir Meta, procesin e nxitur nga mazhoranca socialiste për shkarkimin e tij.

Në një konferencë me gazetarët, Meta tha se në rast se pre e falsifikimit të dokumenteve, bie presidenti i vendit apo Gjykata Kushtetuese, atëherë kjo nuk diskutohet për qytetarët e thjeshtë.