Presidenti iranian, Masoud Pezeshkian, deklaroi të shtunën se Irani nuk do të dorëzohet ndaj presionit ndërkombëtar gjatë bisedimeve bërthamore me Shtetet e Bashkuara. “Fuqitë botërore po përpiqen të na detyrojnë të ulim kokën… por ne nuk do ta bëjmë këtë pavarësisht të gjitha problemeve që po na krijojnë”, tha ai në një fjalim të transmetuar nga televizioni shtetëror.

Deklarata vjen pas sinjaleve nga presidenti amerikan Donald Trump, i cili ka lënë të kuptohet mundësinë e një “sulmi të kufizuar” ushtarak kundër Iranit për t’i detyruar autoritetet e Teheranit të pranojnë kushtet e një marrëveshjeje bërthamore. Sipas mediave ndërkombëtare, hapi fillestar do të synonte goditjen e disa objektivave ushtarake ose qeveritare, me rrezikun e një kundërpërgjigjeje të fortë nga Irani.

SHBA-ja po shqyrton gjithashtu opsione më ekstreme, përfshirë “eliminimin” e udhëheqësit suprem, ajatollah Ali Khamenei, dhe të djalit të tij Mojtaba, ndërsa ka grumbulluar një prezencë ushtarake të konsiderueshme në Lindjen e Mesme dhe Mesdhe që nga pushtimi i Irakut në 2003. Situata mbetet e tensionuar, me mundësi për një eskalim të rrezikshëm ndërkombëtar.