Presidenti palestinez Mahmoud Abbas ka kryer një bisedë telefonike ditën e sotme me sekretarin amerikan të shtetit, Anthony Blinken.
Mësohet se Abbas i ka shpjeguar Blinken se përse nisi lufta sot me Izaelin. Abbas tha se padrejtësia e vazhdueshme ndaj palestinezëve nga ana e Izraelit çoi në këtë situatë të pashmangshme.
Sipas Abbas, Izraeli ka ndërmarrë prej kohësh praktika kolonialiste dhe pushtuese në dëm të vendeve të shenjta myslimane dhe të krishtera.
Kjo situatë është bërë e padurueshme dhe luftëtarët e Hamas kaluan sot kufirin me Izraelin duke goditur qytetet me raketa dhe duke sulmuar me armë.
