Presidenti i Federatës Ruse, Vladimir Putin, i dorëzoi sot në Kazan “Urdhrin e Aleksandër Nevskit” Milorad Dodikut, presidentit të entitetit të Republikës Serbe të Bosnje dhe Hercegovinës.

Dodik u nderua për kontributin e madh në zhvillimin e bashkëpunimit midis Rusisë dhe Bosnjë-Hercegovinës, si dhe forcimin e partneritetit me Republikën Serbe, raporton klix.ba.

“Presidenti Dodik është nderuar për kontributin e tij të madh në zhvillimin e bashkëpunimit ndërmjet Rusisë dhe Bosnjë-Hercegovinës, si dhe për forcimin e partneritetit me Republikën Serbe,” thuhet në dekretin e nënshkruar nga presidenti rus.

“Urdhri i Aleksandër Nevskit” është një nder i lartë civil i Federatës Ruse, i cili jepet për nder të Shën Aleksandër Nevskit (1220–1263) dhe është i dedikuar nëpunësve civilë për kontribut të shquar në shërbimin e tyre për më shumë se njëzet vite.