Në një reagim në rrjete sociale, Presidenti ukrainas tha se agresioni rus në Krime filloi 9 vite më parë, por është toka që i përket Ukrainës.

“Nëntë vjet më parë, filloi agresioni rus në Krime. Duke kthyer Krimenë, ne do të rivendosim paqen. Kjo është toka jonë. Populli ynë. Historia jonë. Ne do të kthejmë flamurin ukrainas në çdo cep të Ukrainës”, ka thënë më tej Zelensky.

Në Memorandumin e Budapestit të vitit 1994, Rusia njohu sovranitetin e Ukrainës në kufijtë e saj ekzistues – që përfshinin Krimenë – dhe ra dakord të përmbahej nga përdorimi i forcës kundër Kievit.

Por në vitin 2014, forcat e mbështetura nga Kremlini pushtuan Krimenë dhe e aneksuan atë ilegalisht nga Ukraina.