Sipas raportimeve të fundit nga “Dagospia”, moderatorja italiane Diletta Leotta dhe bashkëshorti i saj, portieri gjerman Loris Karius, po kalojnë një periudhë të vështirë në marrëdhënien e tyre. Shkak për këtë krizë mendohet të jetë zbulimi i disa mesazheve të dyshimta në telefonin e Diletta-s, të cilat, sipas burimeve, janë shkëmbyer me një personazh të njohur.

Zbulimi ka ndikuar te Karius, i cili mësohet se ka kërkuar një pauzë nga marrëdhënia. Pavarësisht tensioneve, çifti është fotografuar së fundmi në Miami, ku po kalojnë disa ditë pushimi, me qëllim për të rikthyer qetësinë dhe harmoninë në lidhjen e tyre.

Burimet afër çiftit kanë raportuar se marrëdhënia e tyre është në rrezik, por përpjekjet për të kaluar këtë periudhë të vështirë mbeten evidente. Sytë e publikut dhe medias janë tashmë te këto zhvillime, duke pritur nëse pushimi i përbashkët do të ndihmojë çiftin të rifitojë balancën.