Ai theksoi se beteja e demokratëve, por dhe opozitës në tërësi është ajo për 14 majin, datë në të cilin sipas tij shqiptarët duhet të bashkohen dhe të votojnë kundër regjimit të instaluar nga qeveria Rama.

Ai theksoi se përgjatë katër viteve të fundit pushteti lokal nuk ka qenë pranë qytetarëve dhe është koha, që ky kurs, të ndryshojë në zgjedhjet lokale.

“Primaret janë risi për politikën shqiptare. Beteja jonë e përbashkët, e të gjithë demokratëve dhe opozitës është data 14 maj, datë në të cilën qytetarët duhet të votojnë kundër këtij regjimi.  Në katër vitet e fundit, qytetarët kanë humbur lidhjet me pushtetin lokal. Qytetarët kanë shërbimet më të këqija dhe kanë marrë shërbimin më të vogël dhe ka ardhur momenti që vëmendja të kthehet te qytetarët. Për mua kjo ditë është ditë festë”,tha ai pasi votoi në selinë qendrore të Partisë Demokratike.