Një aksident mes dy automjeteve është regjistruar ditën e sotme në Prishtinë, duke çuar në plagosjen e shtatë personave. Ngjarja ndodhi rreth orës 09:00 në udhëkryqin afër konvikteve në qytetin e Prishtinës. Zëdhënësja e Policisë së Kosovës, Flora Ahmeti, konfirmoi lajmin duke shtuar se hetimet për këtë ngjarje janë nisur menjëherë.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha Ahmeti.
