Pas mbylljes së votimit në orën 18:00, pritet që të fillojë numërimi i kutive për zgjedhjen e kreut të Rithemelimit të PD-së në Korçë.

Votimi u zhvillua pranë selisë së partisë dhe raportohet se rreth 577 anëtarë të partisë morën pjesë në proces, nga totali prej 4895 anëtarëve që kanë të drejtë vote.

Nuk u raportuan incidente gjatë procesit votues. Garën për kreun e degës e zhvillojnë Dhimitri Çyfeky, Eleina Qirici dhe Harito Zoto, dhe pritet që rezultatet të shpallen në vijim për të zbuluar kush do të jetë kreu i degës së Korçës.