Dy persona janë proceduar në Tiranë, ndërsa një tjetër është shpallur në kërkim, në lidhje me dy raste kërcënimesh dhe dëmtimesh. Një 32-vjeçare është proceduar pasi ka kërcënuar një të moshuar dhe i ka marrë një shumë parash. Po ashtu, një grua 40-vjeçare, me inicialet V.K., është proceduar për dëmtimin e xhamave të një garazhi, veprim të cilin e ka kryer për shkak të një borxhi të pashlyer.

Njoftimi i Policisë:

Specialistët për Hetimin e Krimeve të Komisariatit Nr. 5 në Tiranë kanë referuar materialet në prokurori, duke nisur procedimin në gjendje të lirë për shtetasen E.H., 32 vjeç. Policia po punon gjithashtu për kapjen e shtetasit A.M., 34 vjeç, i cili dyshohet se ka kërcënuar një 61-vjeçar dhe i ka marrë një shumë parash.