Bjellorusia ka përgatitur një projektligj që synon dënimin e promovimit të marrëdhënieve jo-tradicionale, duke i ndaluar marrëdhëniet e njerëzve të komunitetit LGBTI+.

Prokurori i përgjithshëm, Andrej Sved, njoftoi për projektligjin duke thënë se do të vendosë përgjegjësi administrative për promovimin e “marrëdhënieve jotradicionale, pedofilisë dhe mohimit vullnetar të riprodhimit.”

Ligji është në proces miratimi. Kjo përpjekje vjen pas modelit të ngjashëm në Rusi, e cila ka një ligj të ngjashëm që ndalon propagandën pro-homoseksuale që nga viti 2013.

Homoseksualiteti u dekriminalizua në Bjellorusi në vitin 1994, por vendi nuk njeh martesat e të njëjtit seks dhe ka shfaqur rezistencë ndaj lëvizjeve të komunitetit LGBTI+.