Prokurori i Posaçëm, Jack Smith, ka kërkuar nga një gjykatës federal që të ndalojë procedurat e gjyqit ndaj Donald Trump lidhur me përpjekjet e tij për të përmbysur zgjedhjet e vitit 2020. Kërkesa e Smith vjen pas fitores së Trump në zgjedhjet presidenciale të 2024, duke e bërë atë përsëri President në detyrë. Politika e Departamentit të Drejtësisë ndalon ndjekjen penale ndaj presidentëve në detyrë, dhe kështu, Trump, i cili është së shpejti do të kthehet në Shtëpinë e Bardhë, mund të përfitojë nga ky parim ligjor.

Në dosjen e tij, Smith argumentoi se për shkak të zgjedhjeve dhe rezultatit të tyre, ai kërkoi që gjykata të lirojë afatet e mbetura për gjyqin paraprak, duke i dhënë kohë qeverisë për të vlerësuar këtë situatë të paprecedentë.

Një raport i “Guardian” ka bërë të ditur gjithashtu se Smith ka vendosur të përfundojë çështjen e ndërhyrjes së Trump në zgjedhje dhe një ndjekje tjetër për akuzat lidhur me marrjen dhe fshehjen e dokumenteve të klasifikuara. Asnjëra nga këto çështje nuk ka arritur të shkojë në gjyq deri tani.

Gjatë fushatës për President, Trump kishte deklaruar se, nëse do të zgjidhej përsëri, do të shkarkonte Prokurorin Special Jack Smith brenda dy sekondave.