Në Apelin e Posaçëm, Prokuroria e Posaçme e kundërshton pafajësinë e Alqi Bllakos për inceneratorin e Elbasanit dhe rënien e akuzës së shpërdorimit të detyrës për ish-ministrin e Mjedisit Lefter Koka. SPAK kërkon dënimin e tyre për korrupsion, me një kërkesë për dënim prej 10 vjetësh për Kokën dhe 4 vjetësh për Bllakon.

Ndërkohë, Bllako vazhdon të qëndrojë në burg për dënimin e tij për inceneratorin e Fierit, ndërsa për inceneratorin e Tiranës mbetet në fuqi masa sigurie e arrestit. Gjykata e Lartë dënoi Lefter Kokën me 5.8 vite burg për korrupsion dhe shpërdorim detyre, ndërsa Klodian Zoto dhe Mirel Mertiti u dënuan me 6.8 vite burg për të njëjtat akuza. Stela Gugallja u dënua me 7 vite heqje lirie, por masa u zbrit në 4.8 vjet, ndërsa për Pëllumb Abeshin dhe Bardhyl Cabirin dënimet ishin 4 vjet dhe 2 vjet burg, përkatësisht.

Anëtaret e tjerë të komisionit, Jonida Zeqo dhe Serafin Papa, u dënuan me burg, me zbritje të masës së dënimit për disa prej tyre pas një gjykimi të shkurtuar.