Aksi rrugor Kakavijë–Janinë do të jetë i bllokuar sot për disa orë për shkak të protestës së fermerëve grekë, njofton Policia Kufitare e Kakavijës. Bllokimi pritet të zgjasë nga ora 14:00 deri në 17:00 (ora greke), ndërsa do të lejohen të qarkullojnë vetëm automjetet me emergjenca shëndetësore.

Fermerët grekë, që prej më shumë se një muaji kanë intensifikuar protestat, kanë dalë në rrugë me traktorë dhe mjete bujqësore, duke bllokuar rrugët kryesore, qytetet dhe aeroportet. Arsyet e tyre lidhen me mos-disbursimin në kohë të subvencioneve bujqësore dhe mungesën e kompensimeve për dëmet nga përmbytjet, stuhitë, sëmundjet e bagëtive dhe problemet strukturore në sektorin e bujqësisë.

Policia greke dhe ajo shqiptare janë koordinuar për të informuar qytetarët dhe për të lehtësuar qarkullimin e automjeteve emergjente.