Deputeti i Partisë Demokratike, Dashnor Sula, ka zgjedhur një mënyrë simbolike për të shprehur pakënaqësitë e tij gjatë nisjes së seancës plenare ku po diskutohej projektbuxheti i vitit 2025. Ligjvënësi demokrat tërhoqi vëmendjen duke hyrë në Kuvend me presh, lopatë dhe qepë në dorë, si një formë proteste për politikat bujqësore të qeverisë.

Gjatë fjalës së tij, Sula theksoi vështirësitë ekonomike me të cilat po përballet bujqësia dhe parashikoi një vit të vështirë për të ardhurat e sektorit.

Dashnor Sula: “Sot po e them se litri i vajit po bie, dhe po them se ky vit do jetë i tmerrshëm për të ardhurat e bujqësisë,” deklaroi deputeti, duke nënvizuar shqetësimet për krizën në sektorin bujqësor.

Kjo formë proteste ilustron zhgënjimin e deputetit dhe opozitës ndaj mbështetjes së pamjaftueshme për fermerët dhe politikave ekonomike të qeverisë në buxhetin e propozuar.